biere

Biere, f. penac. Signifie ores ce coffret de bois, large par un bout, et estroit par l'autre, où l'on enclot le corps d'un trespassé pour estre porté et mis en terre. Capulum. Et ainsi est prins au Proverbe qui dit, Apres le sanglier le myere, Apres le cerf la biere. L'Italien dit, Bara, Presque pour le mesme, qui peut estre rendu en Latin par Feretrum, et Sandapila. Et qui voudroit dire que ce mot Italien, Bara, et le Francois Biere, vinsent de Baratrum, diction Grecque, il auroit cete seule raison pour luy, que Baratrum, Selon Diomede, signifie aussi un certain lieu qui est és enfers, iceux enfers prins selon l'usage du mot envers les Latins. Ores Biere signifie cette maniere de boisson usitée és pays froids qui n'abondent en vin. Zytum.

Thresor de la langue françoyse. Jean Nicot.